24/01 – Faladoiro: “Alternativas comunitarias ao malestar emocional e psíquico”

Desde Radio Manoplas organizamos un novo faladoiro baixo o título: “Alternativas comunitarias ao malestar emocional e psíquico”. Será o venres 24 de xaneiro a partir das 19h30 nos locais parroquiais do “Cristo da Vitoria” (rúa Baiona 9, Coia – Vigo).

Repetimos co formato faladoiro para volver cun diálogo -con público- entre catro persoas que teñen experiencias diversas arredor dos problemas de saúde mental. Contaremos coa participación de:

– Inma Araújo López: psicóloga en Alborada
– Ramiro Lorenzo Fandiño: participante no grupo SQUAD
– Marta Bautista Díaz: educadora social e profesora do ciclo superior de Integración Social.
– Ian Rodríguez Rodríguez

Queremos falar sobre como vivimos os momentos de sufrimento, en especial os de máis intensidade. O sistema no que vivimos e as relacións que establecemos condicionan os nosos malestares. Por iso, con este faladoiro buscamos socializar estratexias, recursos, medos, prácticas… así como xerar aprendizaxes que poidan ser útiles para afrontar estas situacións.